Page 22 - Raport Vjetor 2022

GRUPI I THESARIT DHE INSTITUCIONEVE FINANCIARE

Gjatë vitit 2022, Grupi i Thesarit dhe Institucioneve
Financiare ka hapur dy kanale të reja në USD
dhe EUR, për të mbështetur pagesat ndërmjet
klientëve. Ne kemi ndjekur një strategji të re të
tregtisë së jashtme për të rritur pjesën e tregut
të BKT, duke zbatuar produkte të ndryshme, një
qasje të re dhe mënyra të reja të strategjive të
marketingut, në bashkëpunim me Departamentin
e Marketingut të Biznesit. Grupi i Thesarit dhe
Institucioneve Financiare përmbylli produktin e
Huasë Tregtare për të financuar transaksionet e
Letër Kreditit, duke ndihmuar kështu në vendosjen
e likuiditetit të bankës në kanale të reja. Gjithashtu
u hodh në treg një produkt i ri i quajtur Marrëveshje
e Pakthyeshme Rimbursimi (IRU), për t’i ardhur
në ndihmë palëve që mund të kenë nevojë për
mbështetje lidhur me transaksionet me Letër Krediti
si edhe për të rritur fitimin e bankës. Grupi i Thesarit
dhe Institucioneve Financiare ka organizuar takime
dhe seminare biznesi duke përfaqësuar BKT në
shtete si Austri, Zvicër, Hollandë, Gjermani dhe
Turqi. Këto seminare kanë patur si qëllim rritjen e
biznesit në fushën e financave tregtare, thesarit dhe
bankave korrespondente. Gjithashtu është hapur
një linjë e re këmbimi valutor me korrespondentë në
Europë e cila shërben për të akomoduar nevojat e
likuiditetit të bankës. Tani jemi duke hulumtuar për
kanale të reja investimi, për të vendosur likuiditetin
e BKT nëpërmjet marrëdhënieve dypalëshe dhe
po shqyrtojmë edhe ofrimin e shërbimit të llogarive
korrespondente në ALL, EUR dhe USD për
bashkëpunëtorë në shtete të ndryshme.