Page 36 - BKT Annual Report 2023

36 BANKA KOMBËTARE TREGTARE

GRUPI I

MENAXHIMIT

TË RISKUT

Grupi i Menaxhimit të Riskut (GMR) qëndroi i fokusuar
në vlerësimin e zhvillimeve makro-ekonomike dhe
specifike gjatë vitit 2023 si dhe pritshmërive për vitin
2024. Gjatë vitit 2023 bankat në nivel global dhe lokal
kanë administruar relativisht mirë ngjarje të rënduara
makro-financiare dhe gjeopolitike të viteve të fundit.
Pozicionet e shëndosha të kapitalit të BKT-së, rezervat
e likuiditetit si dhe nivelet e ulëta të kredive me probleme
(NPLs) kanë ndihmuar bankën të përballojë sfidat që
rrodhën nga pandemia (COVID-19), lufta e Rusisë në
Ukrainë dhe tronditja pasuese e prodhimit/furnizimit
me energji si edhe dështimet e fundit të bankave
Amerikane dhe Zvicerane. Aftësia e bankës për t’i bërë
ballë rënies së rëndë ekonomike por edhe pritshmërive
është konfirmuar edhe nga rezultatet rutinore të stress
testeve.

Inflacioni, normat e interesit dhe rreziqet më të gjera ekonomike do të mbeten
në qendër dhe fokus të administrimit të rrezikut në mbarë botën. Inflacioni u
ngadalësua ndjeshëm në vitin 2023, më shpejt se sa shumica e analistëve
mendonin se ishte e mundur pa një recesion. Por beteja nuk ka përfunduar.
Bankat Qendrore do të mbeten vigjilente nëse presionet inflacioniste do të marrin
përsëri hov, edhe me koston e një recesioni. Ndërsa stimuli i epokës pandemike
zbehet, trazira në tregje globale dhe lokale të pasurive të patundshme, brishtësitë
në sistemin financiar dhe dobësimi i konsumit do të rëndojnë mbi ekonomitë
globale në vitin 2024. Ndërsa shanset për një “ulje të butë” janë rritur në Shtetet
e Bashkuara dhe shumë vende Evropiane, ekonomitë do të mbeten të prekshme
ndaj tronditjeve gjatë gjithë kësaj periudhe tranzicioni.