Page 24 - BKT Annual Report 2023

24 BANKA KOMBËTARE TREGTARE

OREKSI

PËR RREZIK

Filozofia e përgjithshme e rrezikut të BKT-së është të sipërmarrë rreziqe të
matura, në mbështetje të bizneseve të klientëve të saj, të cilat janë analizuar në
mënyrë të pavarur nga funksionet e rrezikut, miratuar nga autoriteti përkatës dhe
që mund të monitorohen rregullisht nëpërmjet infrastrukturës së duhur. Bizneset
duhet të ofrojnë një kthim të drejtë në mënyrë që profili rrezik/kthim të mbetet
në ekuilibër. Bizneset të cilat nuk ofrojnë një kthim të drejtë përfaqësojnë një
përdorim joefikas të kapitalit dhe mund ta ekspozojnë bankën ndaj humbjeve
të tepërta.

BKT operon si një bankë e qëndrueshme dhe e sigurt që kryen aktivitetet e saj
në mënyrë të kujdesshme, merr në konsideratë interesat e klientëve dhe siguron
se mund të përmbushë detyrimet e saj ndaj palëve kryesore të interesit (klientë,
investitorë, rregullatorë dhe punonjës).

Si pjesë e strategjisë sonë afatgjatë, jemi të përkushtuar të mbajmë një profil
të moderuar të rrezikut të menaxhuar bazuar në një strukturë të integruar të
menaxhimit të rrezikut. BKT është banka e zgjedhur nga të gjithë aktorët e saj
që ofron “shërbime bankare të qëndrueshme dhe transparente, operacione
biznesi me cilësinë më të lartë të shërbimit ndaj klientit”, nëpërmjet njerëzve të
përkushtuar, duke ditur se qëndrueshmëria jonë afatgjatë varet nga pozicioni
i shëndoshë i kapitalit dhe rezervat e likuiditetit të cilat përmbushin të gjitha
detyrimet në kohën e duhur përgjatë ciklit.