Page 47 - BKT Annual Report 2023

RAPORTI VJETOR 2023 47

FAZAT E EMETIMIT DHE NJOHJES SË BONDIT

1
Aprovimi Përgatitja dhe 2 Emetimi 3 Njohja nga BSH
i Brendshëm Aplikimi në AMF

KËRKESA PËR MREL
ANJ përcakton se bankat sistemike duhet të mbajnë kapital rregullator kundrejt ekspozimeve të
ponderuara me rrezik, në masën që siguron që Banka të ketë kapacitetin e nevojshëm për përthithjen
e humbjeve si dhe kapacitetin e nevojshëm për rikapitalizim. Duke marrë parasysh kërkesat fillestare
të licencimit, kjo kërkesë rezulton në të paktën dyfishimin e kërkesave për instrumentave të kapitalit
rregullator, duke përfshirë edhe detyrimet e pranuara, që duhet të mbahen nga BKT-ja dhe bankat
e tjera sistemike në vend.

Pas njohjes nga ANJ në BSH, obligacioni raportohet si obligacion i pasiguruar, me statusin e
detyrimeve të pranuara. Në përfundim të procesit, BKT-ja ka përmbushur kërkesën e ndërmjetme
rregullatore për vitin 2023 si dhe planin e brendshëm të biznesit.

PËRFUNDIME

Emetimi për herë të parë i një instrumenti borxhi me statusin e detyrimeve të pranuara, për qëllime të
ndërhyrjes së jashtëzakonshme gjatë vitit 2023 rezultoi të ishte një proces i suksesshëm. Ky emetim
është një moment kyç në historinë e Bankës sonë dhe në rrugën e zhvillimit të tregut të instrumentave
financiare në vend. Obligacioni me statusin e detyrimeve të pranuara vjen si një alternativë e re
investimi, duke kapërcyer kufijtë klasikë të tregut shqiptar të instrumentave financiare. Ai ofron një
mundësi të shkëlqyer për edukimin financiar të investitorëve dhe është një dëshmi e re e fuqisë së
jashtëzakonshme transformuese që mund të prodhojnë instrumentet financiare.

* Krahas sa më sipër, BKT-ja i zbaton edhe shtesat makroprudencial të kapitalit referuar bankave sistemike në
shportën e 3-të, siç përcaktohet nga Banka e Shqipërisë.