Page 57 - BKT Annual Report 2023

RAPORTI VJETOR 2023 57

OBJEKTIVI 11
QYTETE DHE KOMUNITETE TË QËNDRUESHME

• Rikonstruksioni i degës së bankës në Durrës. Banka
e Shqipërisë u hap në Durrës më 29 nëntor 1925 dhe u
transferua në godinën aktuale të BKT në Durrës në vjeshtë
të vitit 1928. Aktualisht godina e Bankës gëzon statusin
“Monument kulture i kategorisë së dytë” dhe përgjatë viteve
të fundit i është nënshtruar një rikonstruksioni të thellë që
ka rinxjerrë në dritë vlerat e jashtëzakonshme urbanistike,
arkitekturore dhe estetike që ajo ka për qytetin e Durrësit
dhe jo vetëm.
• BKT mbështeti për të disatin vit radhazi aktivitetin “Sofra
Elbasanase”, një aktivitet që hap festimet e ditës së verës
në Elbasan. “Sofra Elbasanase” është kthyer në një traditë
të bukur prej vitesh ku promovohen vlerat artistike, kulturore
dhe kulinare të qytetit.
• U mbështet aktiviteti 4 ditor “Gusht e n’fest” organizuar nga
Bashkia Gramsh. Aktiviteti kishte për qëllim promovimin e
Gramshit për rritjen e turizmit dhe mbështetjen e traditave
të kuzhinës dhe kulturore.
• Banka mori pjesë në aktivitetin e bamirësisë “Rrathë
Dhurues” duke mbështetur iniciativën e “Celim Albania” për
rikonstruksionin e lulishtes “Marigo Posio” në Vlorë. Lulishtja
do të kthehet në një park rekreativ për të vegjëlit dhe të
moshuarit.

OBJEKTIVI 13
MARRJA E MASAVE PËR TË LUFTUAR
NDRYSHIMIN KLIMATIK DHE EFEKTIN E TIJ.
• Banka ka krijuar një produkt Eko Kredinë, një kredi për
të gjithë individët dhe bizneset, me qëllim të financimit në
projekte të cilat kanë efekt në kursimin e energjisë duke
kontribuar në mbrojtjen e mjedisit
• Në bashkëpunim me Bashkinë Lushnje, stafi i degës së BKT
dhe përfaqësues të bashkisë mbollën pemë në një lulishte të
re të krijuar në qendër të Qytetit.

OBJEKTIVI 17
PARTNERITET PËR OBJEKTIVAT

• Banka ka partneritet me GGF (Green for Growth Fund),
me qëllim të financimit të projekteve të energjisë së
rinovueshme dhe/apo rritjes së eficencës së kredisë dhe /
ose komponentëve të projektit, të cilat kanë efekt në kursimin
e energjisë duke kontribuar në mbrojtjen e mjedisit dhe
reduktimin CO2.
• Banka ka partneritet me ADGF (Albanian Development
Guarantee Foundation), me qëlllim financimin dhe lehtësimin
në kushtet e kreditimit të projekteve me qëllim zhvillimi dhe
financimit të sektorit të bujqësisë, të Sektorit të Prodhimit të
tekstilit (fason), si dhe projekteve të kursimit të energjisë duke
kontribuar në mbrojtjen e mjedisit. Gjithashtu ky partneritet
shërben si promotor në ofrimin e kushteve lehtësuese për
zhvillim të projekteve/ ideve dhe bizneseve Start -up.