Lajmërime

JCR Eurasia Rating vlerëson BKT-në me AA (Alb) për Qeverisjen e Korporatës


Një vlerësim i tillë jepet për herë të parë në Shqipëri
Tiranë, (12 tetor, 2012) JCR EurasiaRating, duke vlerësuar praktikat eBKT-së për Qeverisjen e Korporates , ka vlerësuar me notën AA (Alb) nivelin e përputhshmërisë së tyre me Kodin Shqiptar të Qeverisjes së Korporatave dhe rregulloreve të vendosuranga Ministria e Financave. 
Kodi, i cili u hartua nga Ministria e Ekonomisë, Tregtisë dhe Energjitikës me mbështetjen e ekspertëve ndërkombëtarë tëIFC-së, është aprovuar nga Këshilli Konsultativ i Biznesit gjatë dhjetorit 2011 dhe është publikuar në fillim të këtij viti. Kodi përmban 14 parime bazë dhe është në përputhje me parimet e OECD-së dhe praktikat më të mira të Qeverisjes së Korporatave.  
Nota që i është dhënë BKT-së tregon një Nivel Përputhshmërie të Meritës me parimet e kodit. 
JCR Eurasia Rating  është filiali Euroaziatik i Agjencisë Japoneze të Vlerësimit, një nga agjencitë më prestigjioze të vlerësimit në botë. 
JCR-ER ka vënë re që BKT ka një strukturë organizative transparente dhe të mirë-përcaktuar me detyra dhe përgjegjësi të qarta, të shoqëruara me një menaxhim të kualifikuar, sisteme funksionale monitorimi, auditimi, përputhshmërie dhe menaxhimi risku si dhe marrëdhënie të shëndetshme të bazuara mbi mirëbesimin e ndërsjellë mes menaxhimit, aksionerëve dhe autoriteteve rregullatore. BKT zbaton në mënyrë të suksesshme praktikat e rekomanduara nga Parimet e Qeverisjes së Korporatave të OECD-së, të cilat nuk janë pjesë e Kodit aktual të Qeverisjes së Korporatave në Shqipëri – një fakt ky që nuk ndikon vlerësimin e Bankës. Gjithsesi, zbatimi i suksesshëm i këtyre praktikave nga menaxhimi i Bankës ndikon pozitivisht në cilësinë e qeverisjes së saj.
BKT është kompania e parë në Shqipëri që vlerësohet për përputhjen me kodin e qeverisjes së korporatave. Kjo gjë vërteton edhe një herë që BKT sjell risi jo vetëm në fushën e produkteve dhe shërbimeve por edhe në cilësinë e menaxhimit. 

Lajmet e tjera

JCR Eurasia Rating rivlerëson BKT me ‘AAA (Alb)

JCR Eurasia Rating, gjatë vlerësimeve periodike, ka vlerësuar Bankën Kombëtare Tregtare Sh.A. me një situatë “të qëndrueshme” respektivisht me një vlerësim ‘AAA (Alb)’ në terma afatgjatë në kredi dhe me një vlerësim A-1+ (Alb)’ situatën në terma afatshkurtër në kredi, Vlerësimet në terma afatgjatë për monedhën lokale dhe ato të huaja janë ‘BB+’, duke reflektuar kështu kufirin e vendit ku ndodhet aksioneri kryesor, Turqia (BB+), dhe një notë më të lartë se vendi ku renditet Shqipëria (BB). Këtu mund të shikoni Raportin e Plotë

Vlerësime nga Finance Central Europe për vitin 2020
Finance Central Europe në eventin “Top South East Europe Bank Rankings 2020” në përvjetorin e saj të 21-të, vlerëson CEO-n e bankës Z. Seyhan Pencabligil dhe Bankën Kombëtare Tregtare me çmimet:
Revista Global Finance vlerëson BKT me çmimin “Banka më e mirë në Shqipëri për vitin 2020”

Revista Global Finance vlerëson BKT me çmimin “Banka më e mirë në Shqipëri për vitin 2020”