Lajmërime

AMBASADORI I PAKISTANIT RIYAZ INAUGURON KONSULLATËN E NDERIT TË REPUBLIKËS ISLAMIKE TË PAKISTANIT NË SHQIPËRI


Tiranë, Shqipëri (16 Mars 2016) – Konsullata e Nderit e Republikës Islamike të Pakistanit është hapur dje në Tiranë. Ambasadori i Pakistanit në Shqipëri, Shkëlqesia e tij Ambasadori Nadeem Riyaz inauguroi Konsullatën e Nderit në një pritje zyrtare.
Gjatë fjalës së rastit ambasadori Riyaz theksoi se Pakistani dhe Shqipëria gëzojnë lidhje të ngushta dypalëshe. Hapja e Konsullatës së Nderit do të ndihmojë në forcimin e marrëdhënieve të mëtejshme. Në mënyrë të veçantë ka vend për përmirësimin e marrëdhënieve ekonomike, të biznesit, marrëdhëniet kulturore, si edhe ato ndërmjet njerëzve. Duke prezantuar Konsullin e Nderit të Pakistanit, Z. Seyhan Pencabligil, Drejtor i Përgjithshëm i Bankës Kombëtare Tregtare (BKT), i cili i ka rrënjët nga Pakistani, Ambasadori shprehu shpresën se Konsulli i Nderit do të jetë në gjendje për të përmbushur këtë objektiv.
Zëvendësministri i Jashtëm shqiptar, Z. Selim Belortaja, u shpreh se paraqitja e kredencialeve nga Ambasadori i Pakistanit dhe hapja e Konsullatës së Nderit paraqesin dy hapa të mëdhenj në drejtim të realizimit të pritshmërive të të dy vendeve për zhvillimin e marrëdhënieve të ngushta dypalëshe. Ai vlerësoi vendimin e qeverisë pakistaneze për emërimin e Dr. Pencapligil si Konsullin e Nderit, pasi ai është një personalitet i rëndësishëm jo vetëm në sektorin banker, por dhe në atë akademik, kërkimor dhe akademik. 
Konsulli i Nderit Z. Pencabligil theksoi se ka një potencial të madh për përmirësimin e bashkëpunimit mes dy vendeve. Ai theksoi angazhimin e tij veçanërisht për të rritur aktivitetin ekonomik dhe tregtar mes dy vendeve.
Konsullata do të ketë selinë e saj në zyrat qëndrore të BKT-së në Bulevardin. Zhan d'Ark.

Lajmet e tjera

BKT “BANKA MË E MIRË NË SHQIPËRI PËR VITIN 2022” - GLOBAL FINANCE
NEW YORK, 25 Mars 2022- Global Finance shpalli çmimet e saj për të 29-in vit radhazi për bankat më të mira në Evropën Qëndrore dhe Lindore për vitin 2022.
BANKA KOMBËTARE TREGTARE MBËSHTET JAVËN E PARASË 2022
​Tiranë, Shqipëri (24 Mars, 2022) – Java e Parasë është një festë mbarë botërore e parasë, me fokus ndërgjegjësimin e brezit të ri për mirë-menaxhimin e financave të tyre për një të ardhme të sigurt, duke pasur parasysh mundësitë që ju ofrohen në Shqipëri.
BKT MORI PJESË NË EKSPOZITËN “UNË KAM NJË ËNDËRR" - UN WOMEN
Tiranë, Shqipëri, (8 Mars 2022) – Z. Seyhan Pencablıgil Drejtor i Përgjithshëm dhe Anëtar Bordi i Bankës Kombëtare Tregtare (BKT) mori pjesë në ekspozitën “Unë kam një ëndërr…”