Lajmërime

BKT NXJERR PRODUKTE TË REJA NË MBËSHTETJE TË BUJQËSISË
Tiranë (21 shtator, 2012) - Banka Kombëtare Tregtare (BKT), në kuadër të nismës për mbështetje të bujqësisë, ka nxjerrë në treg sot një produkt të ri kredie për ndërmarrjet e vogla dhe të mesme që operojnë në fushën e bujqësisë, Kredinë BKT AGRO.

Në aktivitetin e zhvilluar sot në kuadrin e Panairit të Agrobiznesit dhe Turizmit, ku morën pjesë Zv. Ministri i Bujqësisë, Ushqimit dhe Mbrojtjes së Konsumatorit Z. Ndoc Fasllia, Presidenti i KASH Z. Enver Ferizaj, Drejtori i Përgjithshëm dhe Anëtari i Bordit Drejtues të BKT, Z. Seyhan Pencabligil, në fjalën e tij të hapjes, Drejtori i Grupit të Bankingut Tregtar, Z. Pekhan Isipek, tha se sektori i bujqësisë është tejet i rëndësishëm për zhvillimin e vendit. Për këtë arsye BKT ka dhënë dhe vazhdon të japë kontributin e saj në zhvillimin e sektorit bujqësor, duke u lejuar operatorëve të ndryshëm në këtë sektor aksesin në kapital, një sfidë kjo që deri më sot ka penguar zhvillimin e bujqësisë dhe investimet në këtë fushë.

Z. Fasllia, duke falenderuar BKT-në për kontributin e madh që ka dhënë dhe po jep në zhvillimin e sektorit bujqësor në bashkëpunim me Agjencinë për Zhvillim Bujqësor dhe Rural (AZHBR), bëri thirrje për një vëmendje më të madhe kundrejt zhvillimeve në bujqësi.

Z. Ferizaj vlerësoi kontributin e BKT-së qoftë si sponsor kryesor i Panairit të Agrobiznesit dhe Turizmit, qoftë edhe për arritjen e finalizimit të marrëveshjes me USAID për financimin e bujqësisë deri në shumën prej 15 milionë euro.

Z. Pencabligil theksoi rëndësinë jetike të zhvillimit bujqësor për ta kthyer vendin në vetëmjaftues në kuadrin e plotësimit të nevojave për produktet bujqësore.

Kredia BKT AGRO e sapo prezantuar nga BKT, është e ndarë në tre segmente; Agro Kredi Speciale, Agro Kredi Suport dhe Agro Kredi. Dizenjimi i segmenteve është bërë në mënyrë që të plotësojë sa më mirë nevojat për kreditim të ndërmarrjeve të vogla dhe të mesme në fushën e bujqësisë. 

BKT është banka e dytë më e madhe në  Shqipëri  me 2.1 miliard dollarë asete dhe 1.7 miliard  dollarë depozita . BKT është banka më e vjetër tregtare në vend , me një rrjet prej 81 degësh , 58 prej të cilave ndodhen në Shqipëri  dhe 23 në Kosovë , duke e renditur BKT-në si banka më e madhe në rajon. BKT është vlerësuar së fundmi si “Banka më mirë  në Shqipëri për vitin 2012” nga revista e shquar Euromoney, duke ndjekur vlerësime të tilla si “Banka më e mirë  në Shqipëri për vitin 2011”si nga revistat prestigjioze angleze “THE BANKER” dhe “EMEA FINANCE”.
 

Lajmet e tjera

JCR Eurasia Rating rivlerëson BKT me ‘AAA (Alb)

JCR Eurasia Rating, gjatë vlerësimeve periodike, ka vlerësuar Bankën Kombëtare Tregtare Sh.A. me një situatë “të qëndrueshme” respektivisht me një vlerësim ‘AAA (Alb)’ në terma afatgjatë në kredi dhe me një vlerësim A-1+ (Alb)’ situatën në terma afatshkurtër në kredi, Vlerësimet në terma afatgjatë për monedhën lokale dhe ato të huaja janë ‘BB+’, duke reflektuar kështu kufirin e vendit ku ndodhet aksioneri kryesor, Turqia (BB+), dhe një notë më të lartë se vendi ku renditet Shqipëria (BB). Këtu mund të shikoni Raportin e Plotë

Vlerësime nga Finance Central Europe për vitin 2020
Finance Central Europe në eventin “Top South East Europe Bank Rankings 2020” në përvjetorin e saj të 21-të, vlerëson CEO-n e bankës Z. Seyhan Pencabligil dhe Bankën Kombëtare Tregtare me çmimet:
Revista Global Finance vlerëson BKT me çmimin “Banka më e mirë në Shqipëri për vitin 2020”

Revista Global Finance vlerëson BKT me çmimin “Banka më e mirë në Shqipëri për vitin 2020”