Lajmërime

Më datë 13 Shtator 2011 u organizua Ceremonia e Diplomimit të brezit të parë të studentëve të Fakultetit të Studimeve të Integruara me Praktikën (FASTIP).
Më datë 13 Shtator 2011 u organizua Ceremonia e Diplomimit të brezit të parë të studentëve të Fakultetit të Studimeve të Integruara me Praktikën (FASTIP). Në këtë ceremoni morën pjesë Ministri i Arsimit dhe Shkencës z. Myqerem Tafaj, Ministri për Inovacionin dhe Teknologjinë e Informacionit dhe të Komunikimit z. Genc Pollo, Rektori i Universitetit Aleksandër Moisiu Durrës, z. Mithat Mema, Drejtori i Përgjithshëm dhe Anëtari i Bordit Drejtues i Bankës Kombëtare Tregtare z. Seyhan Pencabligil dhe përfaqësues të institucioneve publike dhe private partnere me Programin FASTIP.
Në këtë ceremoni u diplomuan 17 studentë, 15 prej të cilëve patën nderin dhe kënaqësinë që bashkë me diplomat të merrnin edhe kontratat e tyre të punës duke u punësuar në pozicionet e lira të punës në BKT.
Z. Pencabligil u shpreh se ishte shumë i lumtur të shikonte të kthyer në realitet një iniciativë të guximshme por njëkohësisht shumë të domosdoshme për tregun, iniciativë kjo që është përqafuar dhe integruar në politikat e burimeve njerëzore të BKT-së.
Programi FASTIP sjell një risi në tregun arsimor në Shqipëri pasi bazuar në këtë program partneriteti biznes-universitet, studentët kanë mundësi që të kryejnë praktikën e tyre të punës ne ambientet e institucionit përgjegjës, duke u garantuar në këtë mënyrë edhe punësimin e menjëhershëm të tyre menjëherë pas diplomimit.

Lajmet e tjera

JCR Eurasia Rating konfirmon BKT me notën ‘'AAA (Alb)''
JCR Eurasia Rating ka vlerësuar strukturën e konsoliduar të Banka Kombëtare Tregtare Sh.A dhe ka konfirmuar notën e vlerësimit ‘’AAA (alb)’’
Këshilla Sigurie
Dëshirojmë të risjellim në vëmendjen tuaj disa këshilla për të patur një përdorim të sigurt në internet:
Banka Kombëtare Tregtare raporton fitim neto në rritje për 6 mujorin e parë të vitit 2022
​Banka Kombëtare Tregtare raporton se fitimi neto në qershor 2022, vetëm për BKT Shqipëri ka rezultuar 53 mil USD krahasur me fitimin neto prej 39 mil USD të muajit qershor 2021.