Lajmërime

Tiranë, Shqipëri (10 Gusht, 2023)Banka Kombëtare Tregtare nënshkroi marrëveshje bashkëpunimi me Ambasadën Britanike duke bashkë-sponsorizuar programin e bursave “Chevening”. 
 
BKT përmes këtij partneriteti ka si qëllim nxitjen e të rinjve shqiptarë të ndjekin programe akademike prestigjioze, për të fituar njohuri dhe eksperiencë ndërkombëtare duke kontribuar më pas në shërbim të vendit tonë. Ambasada Britanike inkurajon bashkëpunimin në fushën e arsimit edhe falë mbështetjes së partnerëve të saj.
Qëllimet e programit “Chevening” janë:
 
  • Të tërheqë dhe të përzgjedhë nga e gjithë bota ata studentë që demonstrojnë potencialin më të madh për t'u bërë liderë, vendimmarrës dhe opinionistë në vendet e tyre.
  • Të sigurohet që studentët që janë përzgjedhur për të marrë bursa të kenë përvoja në Mbretërinë e Bashkuar, të cilat i bëjnë ata përkrahës të Britanisë së Madhe.
  • Të pozicionojë programin “Chevening” si programin më prestigjioz të këtij lloji në botë.
Bursat “Chevening” do të jenë të hapura për shtetasit shqiptarë të interesuar dhe do të jepen për të ndjekur një diplomë master një vjeçar në universitetet e Mbretërisë së Bashkuar. Ky program nxit të rinjtë të tregojnë potencialin e tyre për të influencuar në ndryshime pozitive në Shqipëri. Mësoni më shumë rreth programit Chevening: www.chevening.org  
 
BKT do të vazhdojë të jetë pjesë e bashkëpunimeve që kanë si qëllim formimin profesional të gjeneratës së re, punësimit më të mirë të tyre dhe ndërtimit të karrierës profesionale dhe të jetës në vendin tonë.

Lajmet e tjera

BKT feston rihapjen e degës historike në Durrës
Sot më datë 23 nëntor në qytetin e Durrësit u festua rihapja e degës historike të BKT në këtë qytet.
JCR Eurasia Rating konfirmon BKT me notën ‘'AAA (Alb)''
​JCR Eurasia Rating ka vlerësuar strukturën e konsoliduar të Banka Kombëtare Tregtare Sh.A dhe ka konfirmuar notën e vlerësimit ‘’AAA (alb)’’
Intervistë për revistën Monitor, Shtator 2023 nga Z. Seyhan Pencablıgil, Drejtor i Përgjithshëm dhe Anëtar Bordi i BKT
Në një intervistë për revistën Monitor, Z. Seyhan Pencablıgil Drejtor i Përgjithshëm dhe Anëtar Bordi i BKT flet rreth ecurisë së BKT gjatë vitit 2023 dhe pritshmëritë për periudhën në vijim