Lajmërime

Instituti Botëror i Bankave të Kursimeve zgjedh Bordin e ri Drejtues.
Një bankë shqiptare bëhet për herë të parë pjesë e këtij Bordi.

Marrakesh, Marok (11 Maj, 2012) – Instituti Botëror i Bankave të Kursimeve (WSBI) ka zgjedhur Bordin e ri Drejtues te tij gjatë Mbledhjes së 19-ë të Asamblesë së Përgjithshme që u zhvillua në Marrakesh të Marokut. Bordi i ri Drejtues, me mandat nga nga viti 2012 deri në vitin 2015, përbëhet nga përfaqësues të ndryshëm të Grupeve Rajonalë të WSBI-së që përfshijnë Europën, Amerikën Latine/Karaibet, Azinë/Paqësorin dhe Afrikën. 

Për herë të parë në historinë e kësaj organizate prestigjioze, mes shtatë përfaqësuesve të tjerë europianë, si Gjermania, Spanja, Franca, Italia, Malta, Portugalia dhe Luksemburgu, përfaqësues nga një bankë shqiptare, Z. Mehmet Usta, Kryetar i Bordit Drejtues të BKT-së dhe Z. Seyhan Pencabligil, Drejtor i Përgjithshëm dhe Anëtar i Bordit Drejtues të BKT-së, janë zgjedhur respektivisht si Anëtar dhe Anëtar i Alternuar i Bordit Drejtues të WSBI-së.  

WSBI, me qendër në Bruksel, bashkëpunon ngushtësisht me instutucione ndërkombëtare financiare dhe përfaqëson interesat e anëtarëve të saj në nivel ndërkombëtar. WSBI është institucioni ndërkombëtar i bankingut individual që përbëhet nga 110 banka dhe shoqata të ndryshme nga 89 vende të ndryshme të botës të cilat janë angazhuar në “3 R”-të e bankingut: 
-    Individual (Retail): fokusi kryesor i tyre janë individët, SME-të dhe/ose autoritetet lokale. 
-    Rajonal: lejojnë akses në shërbimet financiare nëpërmjet një rrjeti të gjerë pikash. 
-    I përgjegjshëm (Responsible): demontrojnë përgjegjshmëri si në qasjen e biznesit ashtu edhe ndaj shoqërisë ku operojnë.

BKT, e cila u anëtarësua në WSBI më 21 shtator 2009, duke qenë anëtari i vetëm nga Shqipëria mban edhe detyrën si Koordinator Kombëtar. Përfaqësimi në Bordin Drejtues të kësaj organizate kaq të rëndësishme me Kryetarin e Bordit Drejtues dhe Drejtorin e Përgjithshëm dhe Anëtarin e Bordit Drejtues të saj, konfirmon rrugën e duhur që po ndjek BKT në drejtim të shërbimit me cilësi të lartë, risive teknologjike, zgjerimit, stabilitetit financiar dhe përfitueshmërisë. 
BKT gjithashtu është vlerësuar si “Banka më e mirë e vitit 2011 në Shqipëri” nga revista prestigjioze britanike The Banker.

Lajmet e tjera

JCR Eurasia Rating rivlerëson BKT me ‘AAA (Alb)

JCR Eurasia Rating, gjatë vlerësimeve periodike, ka vlerësuar Bankën Kombëtare Tregtare Sh.A. me një situatë “të qëndrueshme” respektivisht me një vlerësim ‘AAA (Alb)’ në terma afatgjatë në kredi dhe me një vlerësim A-1+ (Alb)’ situatën në terma afatshkurtër në kredi, Vlerësimet në terma afatgjatë për monedhën lokale dhe ato të huaja janë ‘BB+’, duke reflektuar kështu kufirin e vendit ku ndodhet aksioneri kryesor, Turqia (BB+), dhe një notë më të lartë se vendi ku renditet Shqipëria (BB). Këtu mund të shikoni Raportin e Plotë

Vlerësime nga Finance Central Europe për vitin 2020
Finance Central Europe në eventin “Top South East Europe Bank Rankings 2020” në përvjetorin e saj të 21-të, vlerëson CEO-n e bankës Z. Seyhan Pencabligil dhe Bankën Kombëtare Tregtare me çmimet:
Revista Global Finance vlerëson BKT me çmimin “Banka më e mirë në Shqipëri për vitin 2020”

Revista Global Finance vlerëson BKT me çmimin “Banka më e mirë në Shqipëri për vitin 2020”