Lajmërime

JCR Eurasia Rating vlerëson BKT-në me AAA (Alb) për Qeverisjen e Korporatave

Tiranë, Shqipëri (25 Nëntor 2016) - JCR Eurasia Rating, duke vlerësuar praktikat e qeverisjes së korporatave të BKT-së, ka vlerësuar bankën me 87,06 (AAA (Alb)/Distinctive) pikë nga 100 për nivelin e përgjithshëm të pajtueshmërisë me Kodin e Qeverisjes së Korporatave në Shqipëri dhe rregulloret e lidhura. Vlerësimi i caktuar për BKT nënkupton një nivel shumë të lartë të përputhshmërisë me parimet e kodit si dhe shkallën e saj në nivelin a/Ekselent. Duke u mbështetur në këtë raport dhe ato të publikuara në vitet e mëparshme 2012, 2013, 2014, 2015, JCR Eurasia beson se niveli i përgjithshëm i pajtueshmërisë arritur nga BKT do të ruhet edhe gjatë periudhës së ardhshme të monitorimit 12-mujor. Në këtë drejtim, perspektiva e bankës është përcaktuar si "e qëndrueshme". 

Në këtë raport, BKT ka arritur të ruajë nivelin e pajtueshmërisë të arritur gjatë viteve të fundit, për katër nga kategoritë kryesore. Për më shumë, nota e BKT-së për “Burimet Njerëzore dhe Vlerësimin e Performancës” është rritur në 86.27, si rrjedhojë e politikave të ndërmara dhe të një departamenti të posaçëm për menaxhimin e burimeve njerezore, i cili në sajë të një stafi të kualifikuar implementon dhe zbaton politikat më bashkëkohore. Kjo rritje në vlerësimin e performancës së burimeve njerëzore ka ndikuar pozitivisht në rritjen e notës së përgjithshme të pajtueshmërisë. 

JCR Eurasia Rating është dega Euroaziatike e Agjencisë Japoneze të Vlerësimit të Kredive, një nga agjencitë më prestigjioze të vlerësimit në botë.

Lajmet e tjera

JCR Eurasia Rating konfirmon BKT me notën ‘'AAA (Alb)''
JCR Eurasia Rating ka vlerësuar strukturën e konsoliduar të Banka Kombëtare Tregtare Sh.A dhe ka konfirmuar notën e vlerësimit ‘’AAA (alb)’’
Këshilla Sigurie
Dëshirojmë të risjellim në vëmendjen tuaj disa këshilla për të patur një përdorim të sigurt në internet:
Banka Kombëtare Tregtare raporton fitim neto në rritje për 6 mujorin e parë të vitit 2022
​Banka Kombëtare Tregtare raporton se fitimi neto në qershor 2022, vetëm për BKT Shqipëri ka rezultuar 53 mil USD krahasur me fitimin neto prej 39 mil USD të muajit qershor 2021.