Lajmërime

Presidenti i Çalik Holding nderohet me Çmimin e Solidaritetit Social nga Ministria e Mirëqenies Sociale dhe Rinisë

Ministria e Mirëqenies Sociale dhe Rinisë i ka akorduar Presidentit të Çalik Holding, z. Ahmet Çalik, Çmimin e Solidaritetit Social për vitin 2014, me motivacionin: “Për vëmendje dhe kontribut të veçantë të kompanive të Çalik Holding në Shqipëri”. 
 
Ministri i Mirëqenies Sociale dhe Rinisë, z. Erion Veliaj ia ka dorëzuar këtë çmim z. Çalik në një ceremoni të zhvilluar në Shtëpinë  e Fëmijës “Zyber Hallulli” në Tiranë. Ky është Çmimi i parë i këtij lloji në vend që synon të bëhet traditë e Ministrisë së Mirëqenies Sociale dhe Rinisë.
Të pranishëm në ceremoni ishin Ambasadori i Republikës së Turqisë, z. Hidayet Bayraktar, drejtues të agjencive turke në Shqipëri, përfaqësues të Ministrisë së Mirëqenies Sociale dhe Rinisë, si dhe përfaqësues të BKT dhe ALBtelecom.
 
Të ftuarit u mirëpriten nga Drejtoresha e Shërbimit Social Shtetëror, znj. Etleva Bisha, e cila duke falënderuar z. Çalik në emër të institucionit që drejton, u shpreh se bashkëpunimi i shkëlqyer me kompanitë e Çalik Holding në Shqipëri e meriton plotësisht një vlerësim të tillë.
 
Ndërkohë, Ministri Veliaj, në fjalën e tij, falënderoi përzemërsisht z. Çalik për kontributin e vazhdueshëm social që kompanitë e tij kanë dhënë në Shqipëri, duke theksuar se ky është një shembull për t’u ndjekur dhe të gjithë duhet të kontribuojmë në këtë drejtim. 
“Madhështia e njeriut nuk përcaktohet nga paraja apo pushteti, por nga dashuria me të cilën u shërben njerëzve në nevojë”, u shpreh zoti Ministër.
Z. Çalik tha se ky çmim u shkon punonjësve të kompanive që operojnë këtu. 
 
“Më lumturon fakti që operatori më i madh në vend ALBtelecom dhe Eagle Mobile, si dhe banka më e madhe në Shqipëri BKT kanë bërë diçka shumë të mirë. Me konfirmimin tonë ata u kanë dhënë mbështetje fëmijëve shqiptarë. Ne do të vazhdojmë të kontribuojmë. Unë jam i gëzuar që grupi më i madh i telekomunikacionit në Shqipëri, ALBtelecom dhe Eagle Mobile dhe banka më e madhe në vend, BKT, në bazë të filozofisë së Grupit tonë kanë kontribuar për fëmijët”, ka thënë Çalik. 
 

Gjatë këtij vitit janë rinovuar mobiljet e Shtëpisë së Fëmijës në Sarandë; është restauruar Shtëpia e Fëmijës në Vlorë, Qendra Sociale e Velipojës, Salla e kinemasë së “Zyber Hallullit”; janë dhuruar pajisje mjekësore për sektorin e shëndetësisë;  është ofruar internet falas për Shtëpinë e Fëmijës në Shkodër; kemi mbështetur fushatën mjedisore të pastrimit të Shqipërisë, si dhe kemi kontribuar në shtimin e gjelbërimit në kryeqytet me mbjelljen e pemëve. 
ALBtelecom dhe Eagle Mobile janë grupi më i madh i telekomunikacionit në Shqipëri që ofron një shërbim të katërfishtë: Telefoni Fikse, Celulare, Internet dhe Televizion. Ndërkohë që BKT është vlerësuar për të 5-tën herë nga “The Banker” si “Banka më e Mirë  e Vitit”, është banka më  e madhe në vend me një portofol të gjerë shërbimesh.
Të dyja kompanitë, duke ndjekur të njëjtën filozofi ndaj përgjegjësisë sociale, ecin paralel me politikat e përgjegjësisë sociale të korporatës së Çalik Holding dhe janë të vendosura e të fokusuara për të kontribuar edhe më tej në projektet e përgjegjësisë sociale në vend. 
 

Lajmet e tjera

JCR Eurasia Rating rivlerëson BKT me ‘AAA (Alb)

JCR Eurasia Rating, gjatë vlerësimeve periodike, ka vlerësuar Bankën Kombëtare Tregtare Sh.A. me një situatë “të qëndrueshme” respektivisht me një vlerësim ‘AAA (Alb)’ në terma afatgjatë në kredi dhe me një vlerësim A-1+ (Alb)’ situatën në terma afatshkurtër në kredi, Vlerësimet në terma afatgjatë për monedhën lokale dhe ato të huaja janë ‘BB+’, duke reflektuar kështu kufirin e vendit ku ndodhet aksioneri kryesor, Turqia (BB+), dhe një notë më të lartë se vendi ku renditet Shqipëria (BB). Këtu mund të shikoni Raportin e Plotë

Vlerësime nga Finance Central Europe për vitin 2020
Finance Central Europe në eventin “Top South East Europe Bank Rankings 2020” në përvjetorin e saj të 21-të, vlerëson CEO-n e bankës Z. Seyhan Pencabligil dhe Bankën Kombëtare Tregtare me çmimet:
Revista Global Finance vlerëson BKT me çmimin “Banka më e mirë në Shqipëri për vitin 2020”

Revista Global Finance vlerëson BKT me çmimin “Banka më e mirë në Shqipëri për vitin 2020”