Si na ndihmon bankingu digjital për t’u mbrojtur nga Korona Virus-COVID-19?

10/03/2020
COVID-19 ose korona virus siç është i njohur gjerësisht është një nga temat më të përfolura të momentit. Organizata Botërore e Shëndetësisë (OBSH) vazhdon të publikoj çdo ditë artikuj jo vetëm për përhapjen e mëtejshme të këtij virusi të ri, por edhe këshilla të vazhdueshme se si mund të mbrohemi prej tij duke respektuar kushtet e higjienës dhe duke shmangur kontaktin e shpeshtë njerëzor.

Me identifikimin e rasteve të para me korona virus në Shqipëri, Banka Kombëtare Tregtare do të përmbledhë në këtë artikull disa fakte dhe këshilla të mbështetura në udhëzimet e Organizatës Botërore të Shëndetësisë, për mënyrën se si mund të përdoni shërbimet dhe produktet Bankare për t’u mbrojtur nga ky virus. Nga studimet paraprake të OBSH rezulton se:
  • Sendet e përdorimit të përditshëm janë një përcjellës shumë i mirë i virusit COVID-19. Nga një studim i publikuar edhe në Daily Mail cilësohet se ky virus mund të mbijetojë në sipërfaqe të forta nga 2 orë deri në 9 ditë.
  • Risku i marrjes së korona virus nga shkëmbimi i objekteve me njeri-tjetrin është i konsiderueshëm. Objektet që përdoren nga shumë njerëz në jetën e përditshme si dorezat e dyerve, butonat e ashensorëve, kartëmonedhat, faturat dhe çdo objekt tjetër që qarkullon në duar të ndryshme duhet të përdoren në mënyrë të kujdesshme.
  • Kontakti njerëzor në ambiente publike, institucione, banka etj na ekspozon më tepër ndaj korona virusit.
Për të shmangur ose minimizuar këto risqe OBSH udhëzon përdorimin e metodave më të zgjuara për nevojat tona të përditshme si Bankingu Digjital nga shtëpia dhe Pagesat Contactless (Pa Kontakt me shitësin) për të shmangur objektet e kontaminuara. Ekspertët e shëndetit këshillojnë konsumatorët që të përdorin kartat e debitit ose të kreditit Contactless për të kryer blerjet në supermarkete, karburante, farmaci etj në mënyrë që të shmanget marrja e korona virusit nga kontakti me faturat gjatë nënshkrimit të tyre.

Zëdhënësi i Organizatës Botërore të shëndetit theksoi se përdorimi i kartave “contactless” e minimizon riskun e transmetimit të virusit. Duke përdorur kartat “contactless”, që do të thotë përdorimi i kartës për blerje pa patur kontakt nga shitësi apo terminali i shitjes si edhe pa u nevojitur nënshkrimi i faturës mund të parandalojë përhapjen e korona virus. Gjithashtu këshillohet që njerëzit të shmangin ambjentet publike dhe të kryejnë veprimet e përditshme në shtëpitë e tyre.


Banka Kombëtare Tregtare me anë të produkteve dhe shërbimeve që ofron për klientët dhe në përputhje me udhëzimet e OBSH sugjeron të gjithë klientët që të ndjekin me devotshmëri produktet e mëposhtme për të shmangur transmetimin dhe prekjen nga COVID-19:

  • Përdorni Kartat e Debitit dhe Kreditit MasterCard Contactless të lëshuara nga BKT për të bërë blerje (kujdes: nëse paguani me kartat Contactless nuk është e nevojshme të firmosni faturën).
  • Shmangni kontaktin dhe ambjentet në degët e bankave dhe përdorni kanalet digjitale online për të kryer veprimet dhe transaksionet e përditshme bankare si Internet Banking dhe BKT Smart.
  • Nëse ju nevojitet të rimbushni celularin tuaj apo të aktivizoni një paketë të secilit prej operatorëve celularë në Shqipëri mund ta kryeni direkt nga aplikacioni BKT Smart.
  • Çdo pagesë apo transfertë drejt palëve të treta mund të kryhet në Degën Internet ose BKT Smart.
  • Nëse keni nevojë për informacione të tjera shtesë ose për të kontaktuar me një bankier telefononi 24 orë në 7 ditë të javës në numrin 042 266 288 ose na shkruani në WhatsApp në numrin 0674000018.
Këto produkte dhe shërbime Bankare janë disa masa të tjera shtesë për t’u mbrojtur nga korona virus të cilat janë duke u ndjekur tashmë jo vetëm në Kinë, por edhe në vende të tjera të zhvilluara në Europë dhe Amerikën e Veriut.
 

Sygjerime mbi tema të tjera

Si na ndihmon bankingu digjital për t’u mbrojtur nga Korona Virus-COVID-19?
COVID-19 ose korona virus siç është i njohur gjerësisht është një nga temat më të përfolura të momentit.
Menaxhimi i parasë në çift
Paraja nuk mund të blejë lumturinë por duke patur para kemi me pak dhimbje koke për të ardhmen tonë!
Të blej një makinë të re apo të përdorur?
Në rastin kur mendojmë për blerjen e një makinë shpesh herë jemi në dilemën duhet të blejë një makinë të re apo të përdorur?